भिमफेदीमा पहिरो : एकै परिवारका ३ जनाको ज्यान गयो

हेटौँडा , ११ साउन
       मकवानपुरको भीमफेदी–५ सोलाभञ्ज्याङमा आज विहान ४ बजे गएको पहिरोमा पुरिंदा एकै परिवारका ३ जनाको मृत्यु भएको छ । मृत्यु हुनेमा २५ बर्षिय टेकबहादुर रूम्बा, उनकी २३ बर्षिय श्रीमती पार्वती रुम्बा र उनीहरुका छोरा ५ बर्षिय विकास रुक्बा रहेका छन् । सासू मनमाया स्याङ्तानको घरमा बस्दै आएका रुम्बा दम्पती सहित उनको छोरालाई आज विहान ४ बजे गएको पहिरोले परेको थियो । सुतिरहेको समयमा गएको पहिरोमा पुरिएपछि उनिहरुको ज्यान गएको ईलाका प्रहरी कार्यालय भीमफेदीका प्रहरी निरिक्षक बासुदेव थापाले बताए ।
      

पहिरो गएर घर पुरेको थाहापाएपछि नेपाली सेना तथा नेपाल प्रहरीको टोलीले उनीहरुको शव निकालेका थिए । करिब १० लाख बराबरको धनमाल समेत क्षती भएको बताईएको छ ।