निकासको बार्षिक उत्सव माघ ८ गते,सञ्चारमन्त्रीले उद्घाटन गर्नुहुने

हेटौंडा,४ माघ सञ्चार संघ नेपाल द्वारा सञ्चालित सामुदायिक रेडियो, रेडियो निकास ९३.४ मेगाहर्ज र निकास साप्ताहिकको बार्षिक उत्सव माघ ८ गते शनिवार हुने भएको छ । बिगत १२ बर्षदेखी मकवानपुर जिल्लाबाट नियमित प्रकाशित भईरहेको निकास साप्ताहिक १२ बर्ष पुरा गरी १३ औं बर्षमा प्रवेश गरेको छ भने रेडियो निकास तेस्रो बर्ष पुरागरी चौथो बर्षमा प्रवेश गरेको छ । पत्रिका र रेडियोको बार्षिक उत्सव माघ ८ गते सयुक्त रुपमा गर्न लागिएको रेडियो निकासका अध्यक्ष सुनिल खड्काले जानकारी दिए । यस अघि माघ २२ गते गर्ने भनिएको बार्षिक उत्सव प्राविधिक कारणबस केही दिन अघि नैं गर्न लागिएको खड्काले जानकारी दिए बार्षिक उत्सव सुचना तथा सञ्चार मन्त्री सुरेन्द्र कार्कीले उद्घाटन गर्नुहुने खड्काले बताए । बार्षिक उत्सवको दिन जिल्लाका एक जना क्रियाशिल पत्रकारलाई रामचन्द्र खड्का स्मृती सिर्जनशिल पत्रकारिता पुरस्कार २०७३ प्रदान गरिने भएको छ भने पत्रकार सुमन भोम्जनको सम्मानमा सुमन भोम्जन स्मृती पत्रकारिता पुरस्कार पनि प्रदान सोही दिन प्रदान गरिने अध्यक्ष खड्काले जानकारी दिए । बिबिध सास्कृतिक कार्यक्रम सहित हुने बार्षिक उत्सवका दिन बर्ष व्यक्ति २०७३ बाट २ जना व्यक्तिलाई सम्मान पनि गरिने खड्काले बताए ।