निकासको बार्षिकोत्सवमा सञ्चारकर्मी तथा उद्यमी सम्मानित

हेटौँडा,८ माघ
सञ्चार संघ नेपाल द्वारा सञ्चालित सामुदायिक रेडियो, रेडियो निकास ९३.४ मेगाहर्ज र निकास साप्ताहिकको बार्षिकोत्सवको अवसरमा दुईजना सञ्चारकर्मी तथा दुईजना ब्यक्तिलाई पत्रकारिता पुरस्कार तथा वर्ष ब्यक्तिबाट सम्मानित गरिएको छ ।
आज हेटौँडामा गरिएको कार्यक्रममा स्वर्गीय रामचन्द्र खड्का स्मृति पत्रकारिता पुरस्कारबाट मकवानपुरका पत्रकार कृष्ण सारु मगरलाई सम्मान गरिएको छ भने सुमन भोम्जन स्मृति पत्रकरिता पुरस्कारबाट पत्रकार होम कार्कीलाई पुरस्कृत गरिएको छ । कार्यक्रममा वर्ष व्यक्ति सम्मा अन्तर्गत वर्ष व्यक्ति सम्मान–२०७३ बाट तुलसी गिरी र नवराज अर्याल गरिएको छ। कार्यक्रममा प्रमुख अतिथि रहेका सूचना तथा सञ्चार मन्त्री सुरेन्द्र कार्कीले उनिहरुलाई सम्मानपत्र सहित नगद हस्तान्तरण गरेका थिए । रेडियोका अध्यक्ष सुनिल खड्काको अध्यक्षतामा भएको कार्यक्रममा बिभिन्न जिल्लास्थित विभिन्न सरकारी तथा गैर सरकारी संस्थाका प्रमुख एवम् प्रतिनिधिहरुको उपस्थिति रहेको थियो ।