मकवानपुरमा छुट्टा छुटटै भएको दुर्घटनामा २ को ज्यान गयो

हेटौँडा,१४ मंसिर
मकवानपुरको भिमफेदीमा सुमो दुर्घटना हुँदा १ जनाको मृत्यु भएको छ । हेटौँडाबाट काठमाण्डौ जाँदै गरेको सुविधा सुमो सेवा प्रा।लिको ना १ ज २९५८ नम्बरको सुमो दुर्घटना हुँदा १ जनाको ज्यान गएको हो । मृत्यु हुनेमा शिखरपुर, मकवानपुरका उक्तरकुमार मोक्तान रहेका छन् । सडकबाट २५ मिटर तल खसेको सुमोको दुर्घटनामा परि  ९ जना घाइते भएका छन् । घाइतेहरुलाइ उपचारको निम्ति काठमाण्डौ पठाइएको प्रहरीले जनाएको छ ।

ट्याक्टर दुर्घटनामा परि एकको मृत्यु
मकवानपुरको फापरबारी गाविस–२ चौराखोलामा मंगलबार नै ट्याक्टरबाट खसेर एक जनाको ज्यान गएको छ । खोलामा वालुवा लोड गरेर फापरबारीको झुरझुरेतिर जाँदै गर्दा नम्बर नभएको अन टेष्ट ट्याक्टरबाट खसेर फापरबारी–२ का नारायण थिङको ज्यान गएको हो ।