धरान जाँदै गरेको बस दुर्घटना, पूर्व राज्यमन्त्री सहित सातको मृत्यु

 १३ साउन \

सङ्खुवासभाबाट धरानतर्फ गइरहेको बा २ ख ७३६६ नंम्वरको यात्रुबस धनकुटाको सिदुवामा दुर्घटनामा परेको छ । दुर्घटनामा परि पूर्वअर्थराज्यमन्त्री हरिराज खेवा लिम्बुको मृत्यु भएको छ ।  पहिलो संविधानसभाको निर्वाचनमा धनकुटा २ बाट निर्वाचित हुनुभएका लिम्बु बाबुराम भट्टराई प्रधानमन्त्री भएको सरकारमा राज्यमन्त्री हुनुभएको थियो ।

माओवादी केन्द्रका अध्यक्ष पुष्पकमल दाहालपुत्र प्रकाशले लिम्बुको मृत्यु भएको खबर सामाजिक सञ्जालमा श्रद्धाञ्जली व्यक्त गर्दै सार्बजनिक गरेका हुन् । दुर्घटनामा परि लिम्बूसहित अन्य  ७ जनाको ज्यान गएको जनाइएको छ यद्यपि अहिलेसम्म दुर्घटनाको कारण र क्षतिको बिस्तृत विवरण प्राप्त भएको छैन ।