बेबीको बेस पसन्द हे कि गायिका नेपाल आउँदै

पछिल्लो समय नेपालमा बलीउड कलाकारहरुको आगमन विस्तारै बढ्दै गएको छ । अभिताभ बच्चन, शाहरुख खान, आमिर खान, गायक बादशाह, अभिनेत्री रविना टण्डन लगाएतका कलाकारहरु नेपाली आइसकेको अबस्थामा अब चाँडै ‘बेबीको बेस पसन्द हे।।’ गीतकी गायिका शालमली खोलगडे पनि नेपाल आउने भएकी छिन् । ‘गुड ह्युम्यान अर्गनाइजेसन’ को आयोजनामा हुन लागेको ‘बलीउड लाइभ कन्सर्ट’ का लागि उनी नेपाल आउन लागेकी हुन् । आइतबार राजधानीमा पत्रकार सम्मेलनको आयोजना गर्दै आयोजक दर्शक सुनारले कन्सर्टबाट संकलित १५ प्रतिशत रकम भूकम्प पीडितका लागि खर्च गरिने जानकारी दिए । कन्सर्टमा शालमलीका अलवा नेपालका चर्चित संगीतकर्मीहरु रविन एण्ड द न्यु रोभुलेसन्स, काली प्रसाद बास्कोटा, बाबु बोगटी, अल्मोडा राना उप्रेती, सोमिया बाराइली लगायतको पनि प्रस्तुती रहनेछ। कार्तिक २७ गते हुने लाइभ कन्सर्टमा शालमलीले ‘दारु देसी’, ‘लत लगगइ’, ‘बलम पिचकारी’, ‘शुद्ध देशी रोमान्स’, ‘हे मिस्टर डिजे’, ‘बेसर्मीकी हाइट’, ‘बेबीको बेस पसन्द हे’ जस्ता गीत गाउनेछिन् ।